Thou lav'rock' that springs frae the dews o' the lawn,
The shepherd to warn o' the grey-breaking dawn,
And thou mellow mavis that hails the night fa',

Give over for pity-my Nanie's awa.

Come Autumn sae pensive, in yellow and gray,
And soothe me wi' tidings o' nature's decay;
The dark, dreary Winter, and wild-driving snaw,
Alane can delight me-now Nanie's awa.

A MAN'S A MAN FOR A' THAT.

Is there, for honest poverty,
That hings his head, and a' that?
The coward-slave, we pass him by,
We dare be poor for a' that !
For a' that, and a' that,

Our toils obscure, and a' that;
The rank is but the guinea stamp;
The man's the gowd for a' that.

What tho' on hamely fare we dine,
Wear hoddin-grey 2, and a' that;
Gie fools their silks, and knaves their wine,
A man's a man, for a' that.

For a' that, and a' that,

Their tinsel show, and a' that:

The honest man, tho' e'er sae poor,

Is King o' men for a' that.

Ye see yon birkie 3, ca'd a lord,

Wha struts, and stares, and a' that;
Tho' hundreds worship at his word,
He's but a coof for a' that:
For a' that, an a' that,

His riband, star, and a' that,
The man of independent mind,
He looks and laughs at a' that.

coarse woollen cloth. 3 conceited fellow.

4 blockhead.

A prince can mak a belted knight,
A marquis, duke, and a' that ;
But an honest man's aboon his might,
Gude faith, he mauna fa' that!
For a' that, and a' that,

Their dignities and a' that,

The pith o' sense, and pride o' worth,
Are higher rank than a' that.

Then let us pray that come it may,
As come it will for a' that;

That sense and worth, o'er a' the earth,
May bear the gree2, and a' that ;

For a' that, and a' that,

It's coming yet, for a' that;
That man to man, the world o'er,
Shall brothers be for a' that.

ADDRESS TO THE WOODLARK.

O stay, sweet warbling wood-lark, stay,
Nor quit for me the trembling_spray;
A hapless lover courts thy lay,
Thy soothing fond complaining.

Again, again that tender part,
That I may catch thy melting art;
For surely that wad touch her heart,
Wha kills me wi' disdaining.

Say, was thy little mate unkind,

And heard thee as the careless wind?.
Oh, nocht but love and sorrow joined
Sic notes o' wae could wauken.

Thou tells o' never-ending care;
O' speechless grief, and dark despair:
For pity's sake, sweet bird, nae mair!
Or my poor heart is broken!

I see a form, I see a face,
Ye weel may wi' the fairest place:
It wants, to me, the witching grace,
The kind love that 's in her e'e.
This is no, &c.

She's bonie, blooming, straight, and tall,
And lang has had my heart in thrall;
And aye it charms my very saul,

The kind love that's in her e'e.
This is no, &c.

LAST MAY A BRAW WOOER.

Tune The Lothian Lassie.'

Last May a braw wooer cam down the lang glen,
And sair wi' his love he did deave me ;

I said there was naething I hated like men,

The deuce gae wi'm to believe me, believe me,
The deuce gae wi'm to believe me.

He spak o' the darts in my bonie black een,
And vowed for my love he was diein;

I said he might die when he liket for Jean:
The Lord forgie me for liein, for liein,
The Lord forgie me for liein.

A weel-stocked mailen1, himsel for the laird,
And marriage aff-hand, were his proffers:

I never loot on 2 that I kenned it, or cared;

3

But thought I might hae waur offers, waur offers,

But thought I might hae waur offers.

But what wad ye think? in a fortnight or less,

The deil tak his taste to gae near her!

He up the lang loan to my black cousin Bess,

Guess ye how, the jad! I could bear her, could bear her,

Guess ye how, the jad! I could bear her.

5

But a' the neist week as I fretted wi' care,
I gaed to the tryste o' Dalgarnock,
And wha but my fine fickle lover was there!
I glowred as I'd seen a warlock, a warlock,
I glowred as I'd seen a warlock.

But owre my left shouther I gae him a blink,
Lest neibors might say I was saucy;

My wooer he capered as he'd been in drink,
And vowed I was his dear lassie, dear lassie,
And vowed I was his dear lassie.

I spier'd1 for my cousin fu' couthy2 and sweet,
Gin she had recovered her hearin,

3

And how her new shoon fit her auld shachl't feet—

But Heavens! how he fell a swearin, a swearin,

But Heavens! how he fell a swearin.

He begged, for Gudesake, I wad be his wife,
Or else I wad kill him wi' sorrow:

So e'en to preserve the poor body in life,

I think I maun wed him to-morrow, to-morrow,

I think I maun wed him to-morrow.

O WERT THOU IN THE CAULD BLAST.

Tune- The Lass of Livingstone.'

O, wert thou in the cauld blast,
On yonder lea, on yonder lea;

My plaidie to the angry airt*,

I'd shelter thee, I'd shelter thee;
Or did misfortune's bitter storms

1 asked.

Around thee blaw, around thee blaw,
Thy bield should be my bosom,
To share it a', to share it a'.

Or were I in the wildest waste,

Sae black and bare, sae black and bare,
The desert were a paradise,

If thou wert there, if thou wert there.

Or were I monarch o' the globe,

Wi' thee to reign, wi' thee to reign,
The brightest jewel in my crown,

Wad be my queen, wad be my queen.

2 kind. direction of the wind.

3 twisted. shelter.