Celes que sunt lettrée as autres purront recorder, de nulle; ele ne va pas soule. Amour de femme moun cuer entame, de fere un poy enveysure, Pur sauver femme de tote blame, chescun devereit mettre cure; Pur l'amour de une dame, que tot le mound en terre honure, Que femme esclaundre e met en fame ne vint unqe de bone nature; à veyr dyre, Qui de femme dit vileynie, certes sa bouche empyre. Beauté de femme passe rose, qi le vodera bien juger, En mounde n'i a si douce chose, en leauté pur bien amer. Mès je certes bien dire le ose, e si mestier soit prover, Qe mavesté que en faus repose, fet sovent femme des oils lermer, à tort; Qy femme dampne par tresoun, certes sa noreture dort. Chescun honme endreit de sey deit de femmes tot bien dyre ; E si vus dirroi bien pur quei, pur une qu'est de tous mals myre, De qui nasquy le haut rey qe de tot le mound est syre ; Pur rien ! Repleni de tot bien. Dyamaund ne autre piere ne sount si fyn en lur vertu, Come sunt femmes en lur manere, d'amour joindre portent le glu, E sount pleysauntz e debonere, de un dart d'amour me ount feru; Qe femme mespreyse en nulle manere, il corouce la mere Jhesu, e pecche; Qy à ce s'acostume, porte vyleyne tecche. Eux ont le corps de bel entayle, en tous poyntz tresbien assis; Um ne vaudreit une mayle, si femme ne fust, ce m'est avys. Donque dussum nus sauntz fayle de tiele chose tenir grant pris ; Quar il n'y a rien que à femme vayle, desouz la joie de parays, en terre ; Yl n'y a nulle terrene, que purra à tous plere. Femmes portent les oyls veyrs, e regardent come faucoun; Mout doit estre en bon espeyr cely qe gist en lor prisoun ; Quar al matyn ne à seyr rien n'y avera si joye noun; come rose ; sa vyleynie desclose. Benterise en cuer de femme floryst, e espanit come fet la flur; honur ; Qy vileynie de femme dist, mout pust il estre ensur, e peyne. n'out unque nulle vyleyne. Harpe, n’autre menestrausie, ne oysel que chaunt u boys, Ne sount si noble melodie, come de femme oyr la vois. Mout purrad mener sure vie, que de femme puet aver choys ; e foyl; molt chosy noble soyl. Hl n'y out unqe honme née pus le temps Adam e Eve, Qe sout de femmes la bounté où comence ne où acheve; A demostrer tiel segrée, à moy serreit donde chose greve; e fyne, pur l'amour d'une meschyne. Rorteysie en femme git, en lu où ad bel desport ; E cely en fenme char prist, qe d'enfern nus dona resort ; E de femme cil nasquist, qe pur nus pus suffry la mort. Qui à femme fet despit, il me semble que il ad tort, En taunt ; Jhesu le tot pussaunt. L'amour du mound en femme habite, en un lu molt aimable ; mès large, grant, e delitable. là puet il meyndre tot dis estable; dedenz, certes il pert son tenz. Marie, que portastes le salveour, vostre grace vus requer, Me seiez ayde e socour, pur l'onour de femme sauver, Qe portent fruyt de bel colour, noble, douce, ne mie amer; Gentz que sount de grant valour, le mound governent enter, par sen, Bené soit tiel arbre que tiel fruit porte! Amen. qe Note de la russinole je tienk pur nient en temps de May, |