Procedunt, leni resonant plangore cachinni: Post, vento crescente, magis magis increbescunt, Purpureaque procul nantes a luce refulgent: Sic tum vestibuli linquentes regia tecta, Ad se quisque vago passim pede discedebant. Quorum post abitum, princeps e vertice Peli Advenit Chiron portans silvestria dona:
Nam quotcumque ferunt campi, quos Thessala magnis
Montibus ora creat, quos propter fluminis undas Aura parit flores tepidi fecunda Favoni, Hos indistinctis plexos tulit ipse corollis, Quis permulsa domus jucundo risit odore. Confestim Peneos adest, viridantia Tempe, Tempe, quæ silvæ cingunt superimpendentes, Mnemonidum, linquens, doctis celebranda choreis, Non vacuus namque ille tulit radicitus altas Fagos, ac recto proceras stipite laurus, Non sine nutanti platano, lentaque sorore Flammati Phaethontis, et aeria cupressu: Hæc circum sedes late contexta locavit, Vestibulum ut molli velatum fronde vireret. Post hunc consequitur solerti corde Prometheus, Extenuata gerens veteris vestigia pœnæ ; Quam quondam, silici restrictus membra catena, Persolvit, pendens e verticibus præruptis. Inde pater Divum, sancta cum conjuge, natisque Advenit cœlo, te solum, Phoebe, relinquens, Unigenamque simul cultricem montibus Idri : Pelea nam tecum pariter soror adspernata est, Nec Thetidis tædas voluit celebrare jugales. Qui postquam niveos flexerunt sedibus artus, Large multiplici constructæ sunt dape mensæ; Cum interea infirmo quatientes corpora motu,
Veridicos Parcæ cœperunt edere cantus.
His corpus tremulum complectens undique quercus, Candida purpurea quam Tyro incinxerat ora:
At roseo niveæ residebant vertice vittæ, Æternumque manus carpebant rite laborem. Læva colum molli lana retinebat amictum : Dextera tum leviter deducens fila supinis Formabat digitis; tum prono in pollice torquens Libratum tereti versabat turbine fusum : Atque ita decerpens æquabat semper opus dens; Laneaque aridulis hærebant morsa labellis,
Quæ prius in lævi fuerant exstantia filo.
Ante pedes autem candentis mollia lanæ Vellera virgati custodibant calathisci. Hæ tum clarisona pellentes vellera voce, Talia divino fuderunt carmine fata, Carmine, perfidiæ quod post nulla arguet ætas : O decus eximium, magnis virtutibus augens,
Æmathiæ tutamen opis, clarissime nato; Accipe, quod læta tibi pandunt luce sorores, Veridicum oraclum: sed vos, quæ fata sequuntur, Currite, ducentes subtemina, currite, fusi.
Adveniet tibi jam portans optata maritis Hesperus adveniet fausto cum sidere conjux, Quæ tibi flexanimo mentem perfundat amore, Languidulosque paret tecum conjungere somnos, Levia substernens robusto brachia collo. Currite, ducentes subtemina, currite, fusi.
Nulla domus tales unquam contexit amores : Nullus amor tali conjunxit fœdere amantes, Qualis adest Thetidi, qualis concordia Peleo. Currite, ducentes subtemina, currite, fusi.
Nascetur vobis expers terroris Achilles,
Hostibus haud tergo, sed forti pectore, notus: Qui, persæpe vago victor certamine cursus, Flammea prævertet celeris vestigia cervæ. Currite, ducentes subtemina, currite, fusi.
Non illi quisquam bello se conferet heros, Cum Phrygii Teucro manabunt sanguine rivi; Troicaque obsidens longinquo monia bello Perjuri Pelopis vastabit. tertius hæres. Currite, ducentes subtemina, currite, fusi. Illius egregias virtutes, claraque facta Sæpe fatebuntur gnatorum in funere matres;
Trojugenum infesto prosternet corpora ferro. Currite, ducentes subtemina, currite, fusi.
Testis erit magnis virtutibus unda Scamandri, Quæ passim rapido diffunditur Hellesponto : Quojus iter cæsis angustans corporum acervis, Alta tepefaciet permixta flumina cæde. Currite, ducentes subtemina, currite, fusi.
Projiciet truncum submisso poplite corpus. Currite, ducentes subtemina, currite, fusi.
Quare agite, optatos animi conjungite amores;
Accipiat conjux felici fœdere Divam:
Dedatur cupido jamdudum nupta marito.
Currite, ducentes subtemina, currite, fusi.
Anxia nec mater discordis mosta puellæ Secubitu, caros mittet sperare nepotes. Currite, ducentes subtemina, currite, fusi. Talia præfantes quondam, felicia Pelei Carmina divino cecinerunt omine Parcæ. Præsentes namque ante domos invisere castas Sæpius, et sese mortali ostendere cœtu, Cœlicolæ, nondum spreta pietate, solebant. Sæpe pater Divum templo in fulgente revisens, Annua cum festis venissent sacra diebus, Conspexit terra centum procurrere currus. Sæpe vagus Liber Parnassi vertice summo Thyadas effusis evantes crinibus egit;
Cum Delphi tota certatim ex urbe ruentes Acciperent læti Divum fumantibus aris. Sæpe in letifero belli certamine Mavors, Aut rapidi Tritonis hera, aut Rhamnusia virgo, Armatas hominum est præsens hortata catervas. Sed postquam tellus scelere est imbuta nefando, Justitiamque omnes cupida de mente fugarunt ; Perfudere manus fraterno sanguine fratres; Destitit exstinctos gnatus lugere parentes ; Optavit genitor primævi funera gnati;
Omnia fanda, nefanda, malo permixta furore, Justificam nobis mentem avertere Deorum. Quare nec tales dignantur visere cœtus,
Nec se contingi patiuntur lumine claro.
Etsi me assiduo confectum cura dolore Sevocat a doctis, Hortale, virginibus; Nec potis est dulces Musarum expromere fœtus Mens animi; tantis fluctuat ipsa malis; Namque mei nuper Lethæo gurgite fratris Pallidulum manans alluit unda pedem ; Troia Rhoteo quem subter litore tellus Ereptum nostris obterit ex oculis.
[* Alloquar? audierone unquam tua facta loquentem ?] Nunquam ego te, vita frater amabilior, Adspiciam posthac? At certe semper amabo; Semper mæsta tua carmina morte canam ; Qualia sub densis ramorum concinit umbris Daulias, absumpti fata gemens Ityli.
Sed tamen in tantis mororibus, Hortale, mitto Hæc expressa tibi carmina Battiada; Ne tua dicta vagis necquicquam credita ventis Effluxisse meo forte putes animo;
Ut missum sponsi furtivo munere malum Procurrit casto virginis e gremio, Quod miseræ oblitæ molli sub veste locatum, Dum adventu matris prosilit, excutitur; Atque illud prono præceps agitur decursu ;
Huic manat tristi conscius ore rubor.
« AnteriorContinuar » |