Lenit albescens animos capillus XV. UXOR pauperis Ibyci, Tandem nequitiae fige modum tuae Famosisque laboribus: Maturo propior desine funeri Inter ludere virgines Et stellis nebulam spargere candidis. Non si quid Pholoën satis Et te, Chlori, decet: filia rectius Expugnat juvenum domos, Pulso Thyias uti concita tympano. Illam cogit amor Nothi Lascivae similem ludere caprae: Te lanae prope nobilem Tonsae Luceriam, non citharae decent, Nec flos purpureus rosae Nec poti vetulam faece tenus cadi. XVI. INCLUSAM Danaën turris aënea Robustaeque fores et vigilum canum Si non Acrisium virginis abditae Aurum per medios ire satellites Et perrumpere amat saxa potentius Portas vir Macedo et subruit aemulos Crescentem sequitur cura pecuniam Quanto quisque sibi plura negaverit, Contemptae dominus splendidior reï, Purae rivus aquae silvaque jugerum Fallit sorte beatior. Quamquam nec Calabrae mella ferunt apes Nec Laestrygonia Bacchus in amphora Languescit mihi nec pinguia Gallicis Crescunt vellera pascuis, Importuna tamen pauperies abest, Nec si plura velim tu dare deneges. Contracto melius parva cupidine Vectigalia porrigam, Quam si Mygdoniis regnum Alyattei Campis continuem. Multa petentibus Desunt multa: bene est cui deus obtulit Parca quod satis est manu. XVII. AELI vetusto nobilis ab Lamo, (Quando et priores hinc Lamias ferunt Denominatos et nepotum Per memores genus omne fastos, Auctore ab illo ducis originem Qui Formiarum moenia dicitur Princeps et innantem Maricae Littoribus tenuisse Lirim Late tyrannus) cras foliis nemus Multis et alga litus inutili Demissa tempestas ab Euro Sternet, aquae nisi fallit augur Annosa cornix. Dum potis aridum Compone lignum: cras Genium mero Curabis et porco bimestri Cum famulis operum solutis. XVIII. FAUNE, Nympharum fugientum amator Si tener pleno cadit haedus anno, Vina craterae. Vetus ara multo Fumat odore, Ludit herboso pecus omne campo, Cum tibi Nonae redeunt Decembres; Festus in pratis vacat otioso Inter audaces lupus errat agnos; XIX. QUANTUM distet ab Inacho Codrus pro patria non timidus mori Narras, et genus Aeaci Et pugnata sacro bella sub Ilio: Quo Chium pretio cadum Mercemur, quis aquam temperet ignibus, Quo praebente domum et quota Pelignis caream frigoribus, taces. Da lunae propere novae, Da noctis mediae, da, puer, auguris Murenae: tribus aut novem Miscentur cyathis pocula commodis. Qui Musas amat impares Ternos ter cyathos attonitus petet Vates; tres prohibet supra Rixarum metuens tangere Gratia Nudis juncta sororibus. Insanire juvat: cur Berecyntiae Cessant flamina tibiae ? Cur pendet tacita fistula cum lyra? Parcentes ego dexteras Odi: sparge rosas; audiat invidus Dementem strepitum Lycus Et vicina seni non habilis Lyco. Spissa te nitidum coma, Puro te similem, Telephe, Vespero Tempestiva petit Rhode: Me lentus Glycerae torret amor meae. XX. NON vides quanto moveas periclo, Cum per obstantes juvenum catervas Interim, dum tu celeres sagittas Sub pede palmam Fertur, et leni recreare vento Sparsum odoratis humerum capillis, XXI. O NATA mecum consule Manlio, Seu facilem, pia testa, somnum, Descende, Corvino jubente Promere languidiora vina. G |