AD

ODE XXX.

MUSAM

MELPOMENEN.

Famae perennitatem Poeta sibi a suis versibus pollicetur.
Metrum I. 1.

Exegi monumentum aere perennius,
Regalique situ pyramidum altius:

Quod non imber edax, non Aquilo impotens
Possit diruere, aut innumerabilis
Annorum series, et fuga temporum.
Non omnis moriar multaque pars mei
Vitabit Libitinam Usque ego postera
Crescam laude recens, dum Capitolium
Scandet cum tacita virgine Pontifex.
Dicar, qua violens obstrepit Aufidus,
Et qua pauper aquae Daunus agrestium
Regnavit populorum, ex humili potens,
Princeps Aeolium carmen ad Italos
Deduxisse modos. Sume superbiam
Quaesitam meritis; et mihi Delphica
Lauro cinge volens, Melpomene, comam.

9

5

10

151

ODE XXX. G. 1. Dicit se aposteletice scriptis semper victurum. 1) Al. monimentum. 7) Libitinam, Gl. Deam funerum. 10) Aufidus est Apuliae fluvius, ad quem natus est Hor. 11) Daunus est rex Apuliae, a cujus nomine fluvius sic est appellatus. 18) C. 1. Gu. Regnator, Gl. regnavit. 14) C. 4. nothos.

Q. HORATII FLACCI CARMINU M

LIBER QUARTUS.

ODE I.

AD VENERE M.

Actate sua, se jam rebus amatoriis, et carminibus ludicris haud esse idoneum. Deam ideo precatur, ut hanc provinciam Paullo Maximo, ornatissimo juveni, tradat.

Metrum ut Lib. I. Carm. 3.

Intermissa, Venus, diu

Rursus bella moves. Parce, precor, precor!

Non sum, qualis eram bonae

Sub regno Cinarae. Desine, dulcium.

Mater saeva Cupidinum,

Circa lustra decem flectere mollibus

Jam durum imperiis: abi,

Quo blandae juvenum te revocant preces.

Tempestivius in domum

Paulli, purpureis ales oloribus,

Comissabere Maximi,

5

10

LIBER QUARTUS. ODE I. C. 1. Ad Fabium Maximum. 1) Al diu, Venus. 2) C. 4. mones. 4) G. 1. Cinyrae; evocant; al. C. Gu. cynire, desine. 8) C. 1. ter cynarae. al. te revocent. C. Gu. blande. 9) C. 1. domu, C. 4. domo; al. tempestivior in domo Paulli, i. e. Maximi Consulis A. V. C. 743 10) C. 1. oleribus. 11) C. 1. Comitubere, G. 4. comessabere; al. committabere. C. Gu. Commutabere.

Si torrere jecur quaeris idoneum.
Namque et nobilis, et decens,
Et pro sollicitis non tacitus reis,
Et centum puer artium,

Late signa feret militiae tuae.
Et quandoque potentior

Largis muneribus riserit aemuli, Albanos prope te lacus

Ponet marmoream, sub trabe Cypria. Illic plurima naribus

Duces thura, lyraeque, et Berecyntiae Delectabere tibiae

Mixtis carminibus, non sine fistula. Illic bis pueri die

Numen cum teneris virginibus tuum Laudantes, pede candido

In morem Salium ter quatient humum. Me nec femina, nec puer

Jam, nec spes animi credula mutui,

Nec certare juvat mero,

Nec vincire novis tempora floribus.

15

20

25

30

Sed cur, heu! Ligurine, cur

Manat rara meas lacrima per genas?

Cur facunda parum decoro

Inter verba cadit lingua silentio ?

Nocturnis ego somniis

Jam captum teneo, jam volucrem sequor

Te per gramina Martii

Campi, te per aquas, dure, volubiles.

35

40

18) Al. Largi. Markland: vicerit aemuli, quam notam marg. tamen postea delevit. 19) C. 1. prope lacus, sine: te. 20) C. 1. Ciprea, C. 4. Cipream; al. citrea, cytrea, ciptrca, cyptrea, cyprea. 32) C. 4. Dulces. Al. lyra, et Berecyntia. 28) Al. quatiunt. 29) C. 4. ne puer, pro nec. Versus 30. Jam mutui, non est in C. 4. 35) C. 4. foecunda. 37) Al. ego te, te ego somniis.

ODE II.

AD JULUM ANTONIUM.

Horatius non a se, sed ab ipso, victorias Augusti spiritu Pindarico celebrari posse dicit.

Metrum I. 2.

Pindarum quisquis studet aemulari,
Jule, ceratis ope Daedalca

Nititur pennis, vitreo daturus
Nomina ponto.

Monte decurrens velut amnis, imbres
Quem super notas aluere ripas,
Fervet immensusque ruit profundo
Pindarus ore:

Laurea donandus Apollinari,
Seu per audaces nova dithyrambos
Verba devolvit, numerisque fertur
Lege solutis:

Seu Deos, regesve canit, Deorum
Sanguinem, per quos cecidere justa
Morte Centauri; cecidit tremendae
Flamma Chimaerae;

Sive, quos Elca domum reducit
Palma coelestes, pugilemve, equumve
Dicit, et centum potiore signis

Munere donat:

Flebili sponsae juvenemve raptum

Plorat; et vires animumque moresque

Aureos educit in astra, nigroque

Invidet Órco

Multa Dircaeum levat aura cycnum,

5

10

15

20

25

ODE II. 2) Omnia artificiosa vocamus Daedalea. 3) Al. pinnis. 4) Ponto, Icario mari. 6) Al. Cum super notas saluere ripas, totas saliere. 7) Al. Fervit. 8) Im. mensa verborum sententiarumque profluit copia e fonte uberrimo. 13) C. 4. regesque, i. e. heroes; Deorum sanguinem, i. e. filios. 14) Markland: cecidere. An iusto Marte? 15) Thraciae populi finguntur esse media parte viri, et media equi. 16) C. Gu. Flamu (sic semper.) 17) Victoria apud Elidem, Peloponnesi oppidum, parta reducit coelestibus ob gloriam comparandos. 18) Al. pugilemque. 21) Al. juvenemque. 83) C. 4. deducit; al. reducit, 25) Poeta Pindarus in Dírce, fonte Thebano, tanquam altivolans cygnus natus et enutritus est. Al. «ygnum, eignum.

Tendit, Antoni, quoties in altos
Nubium tractus: ego, apis Matinae
More, modoque,

Grata carpentis thyma per laborem
Plurimum, circa nemus, uvidique
Tiburis ripas operosa parvus

Carmina fingo.

Concines majore poëta plectro
Caesarem, quandoque trahet feroces
Per sacrum 'Clivum, merita decorus
Fronde, Sygambros

Quo nihil majus, meliusve terris
Fata donavere, bonique Divi;

Nec dabunt, quamvis redeant in aurum
Tempora priscum.

Concines laetosque dies, et Urbis
Publicum ludumi, super impetrato
Fortis Augusti reditu; forumque
Litibus orbum.

Tum meae, si quid loquar audiendum,
Vocis accedet bona pars: et, O Sol
Pulcher, o laudande, canam, recepto
Caesare felix.

Tuque, dum procedis, lo triumphe!
Non semel dicemus, Io triumphe,
Civitas omnis, dabimusque Divis
Thura benignis.

Te decem tauri, totidemque vaccae ;
Me tener solvet vitulus, relicta
Matre, qui largis juvenescit herbis
In mea vota;

Fronte curvatos imitatus ignes
Tertium Lunae referentis ortum
Qua notam duxit, niveus videri;

Cetera fulvus.

50

35

40

50

55

60

26) C. Gu. Quotiens (sic semper.) 27) Parvus poeta Hor. comparatur api Calabrae in monte Matino pascenti. 51) Bentl. rivos. C. Gu. parvis. 35) Per Clivum Capitolinum viae sacrae adhaerentem. 36) C. 4. Sycambros; al. Sicambros, Sicambos, Sigambros, Sugambros, i. e. Gheldreuses, Germaniae populos. 59) Al redeunt in aevum, annum, 42) Al. inpetrato. 43) C.4. reditum. 45) Al, Dum meae, si quid loquor. C. Gu. Tunc ego siquid. 49) Al. Teque. 64) Al. solvit. 55) C. Gu. iuvenescet. Markland: lactis iur. 58) C. 4. orbem. 59) C. Gu. Quam notam.